Dagens slangord: Absurdistan

Absurdistan: Staden der det absurde høyrer heime.

Slangordet kan bli nytta for å streke under kor sært eller meiningslaust noko er. Då kan ein seie at tingen/fenomenet kjem frå Absurdistan. Eller burde reise dit! Kjelde: Norsk slangordbok av Tone Tryti.

Bruksdøme:

Fårepølse og peanøttsmør på same brødskive? Lært å lage mat i Absurdistan, eller?

Argumenta dine er så urimelege at ein skulle tru du kom frå Absurdistan!


Under etiketten Raritetskabinettet tek eg føre meg ord og uttrykk som av meir eller mindre forståelege grunnar har hamna i den språklege bakevja.

Det kan vere ord som syner til eit utdatert fenomen, har ein framand og gamalvoren klang eller på andre vis fell såpass utanfor den språklege hovudstraumen at ein må kunne kalle dei utryddingstruga. Det kan òg vere slangord og -uttrykk som skildrar kjende fenomen på ein kreativ måte. Nokre gonger for å tåkeleggje eller forskjønne, andre gonger for å gje ein tøff, humoristisk eller nedsetjande valør. Og ikkje minst kan det vere lokale, dialektprega ord og uttrykk. Men felles for alle orda som blir presenterte i Raritetskabinettet er at dei er treffande og dermed fortener å bli minna om!

Meiningsløysa aukar der synonyma tryt!*


*Mottoet for denne etiketten, fritt etter Arne Berggren sitt føreord til fyrste utgåva av Utryddingstruede ord av Astrid Skår, bind 1.